瑞士意大利湖光名城自由行第一二天: 策馬特 Zermatt

我地係瑞士只係到留短短5日, 會去因特拉肯同周邊地方, 伯恩, 策馬特同琉森。以前去過瑞士, 覺得因特拉肯同策馬特最靚, 所以就主力去呢兩個地方。

我地買歐洲火車證, 去策馬特要加錢。所以我地係蘇黎世機場就去左火車局買飛。

蘇黎世機場餐廳既熱飲杯好得意, 有兩層隔熱。

我地住Chalet medi, 係火車站東邊, 睇返其實住西邊大街好d, 多d舖頭。

策馬特係環保小鎮, 沒有車。兩旁既屋全部都係木造, 有d露臺更種滿花。 大街兩旁的佈滿彩旗。

雪山下的小鎮

最大的酒店

有個馬特洪峰博物館, 入面有馬特洪峰的登山歷史展覽。

我地去左火車站隔離嘅旅遊局問呢個時侯可唔可以行山, 職員介紹我地去Leisee (一個湖), 需要行大約一至兩小時。沿途的風景優美, 青草處處, 佈滿小花。

登山火車, 我地聽日就會搭。

越行越高, 我地可以望返落民居, 呢d咁優美的小鎮真係非常適合度假。

越行越高, 路開始變得好窄, 望去d山近左好多。

屋亦細左好多。

行左好耐, 但係都睇見唔到個湖, 再問一問迎面而來的人, 仲有排行。我地就決定放棄。睇黎西人真係行得快過我地好多, 預測既時間同我地要既時間完全唔同, 不能參考。

今晚我地就去左係tripadvisor搵到既餐廳Restaurant Romantik Hotel Julen 食晚飯。行過去會經過小河, 亦都可以望到馬特洪峰。今日天氣好好, 係網上睇有d人去到策馬特馬特洪峰一路都係俾雲霧遮蓋, 我地真係好好彩。

餐廳裝修幾好

我地叫左套餐加其他食物, 有自助沙律吧, 好好食。

第二日我地去完Gornergrat就去左係西邊的另外一個景點Glacier Paradise站。可以搭纜車上, 由另外一個角度睇馬特洪峰。由於比較趕, 我地就冇上去。

我地在係策馬特西邊周圍行, 同馬特洪峰影相。藍天白雲木屋小花, 真係好似話一樣咁靚。

去Glacier Paradise 既䌫車

片地黃花, 同日本人工化的看法不同。瑞士的花自然的多, 當然不會像人工種的那麼密密麻麻。

策馬特比我感覺好寧靜, 好似一個世外桃源一樣, 遠離世俗煩囂, 感覺優悠。

上一頁

下一頁

瑞士意大利湖光名城自由行行程概覽

我的Facebook專頁: https://www.facebook.com/SeaLandSkyWorldTravel