今朝去高山朝市同高山城下町, 中午就去白川鄉, 尋日已經係巴士站用昇龍道高速巴士車票訂好來回車票。
紫格: 酒店, 橙格: 高山宮川朝市
黃格: 高山城下町 (上三之町), 綠格: 高山陣屋
由酒店行去高山朝市約十分鐘。
高山朝市係日本三大朝市之一, 有疏果,各類食品, 手信賣。
我地一路行一路食, 食到好飽。飛弹牛餅, 即叫即整, 熱辣辣, 好好味。
飛弹牛飽
行完高山朝市再行前少少就到高山城下町, 上三之町。高山又叫小京都, 就係因為呢d古老建築。
保存咗古老既日式建築。好完整, 街就唔係好長。巿內其他地方都有類似建築, 呢條街就集中d。
有條水道係門前流過好特别。
食完就行過條橋去高山陣屋, 沿路見到遊客坐人力車。
今晚去咗食江户前松喜壽司。佢生意勁好, 尋晚去過冇位要訂今晚。
係國分寺附近
地址: 1 Chome-40 Sowamachi
由於餐牌全部都係日文既關係, 唔識叫。我地跟旅遊書叫左一個套餐,有湯,有八件壽司,有飛彈牛,有甜品。
拖羅好好味,我地研究個價錢都好抵,比香港平好多,所以就再叫左拖羅同帶子食。飛彈牛就冇丸明同朴葉燒d牛咁好味。
今晚就去左日式溫泉, 開到零晨一點, 溫泉設施都好好。
沒有留言 :
張貼留言