瑞士意大利湖光名城自由行第十天: 威尼斯Murano Island 慕拉諾島, Burano Island 布拉諾島

眾所周知威尼斯主島有好多景點。其實威尼斯外島亦都異常吸引。我地今日會去兩個外島, 一個係莫拉諾島 (Murano), 主要係賣玻璃製品, 另外一個係布拉諾島 (Burano), 出名係彩色小屋, 海鮮同喱士產品。

一日可以去兩個島。Murano近點。我地會先去Murano, 再由Murano去Burano。我地由酒店門外搭船去到 Fondamenta Nove, vaporetto Number 12, 13, 41, or 42 都可以去Murano。

威尼斯Actv船嘅站

Actv船站和時間表

莫拉諾島有船去布拉諾島, 最好睇清楚船的時間, 就可以好好計劃行程。

Murano有玻璃廠, 可以睇人吹玻璃。工匠好快手就已經制成一個玻璃樽。

莫拉諾島主街兩旁有好多鋪頭, 都係賣各式各樣的玻璃工藝品。Murano係全世界出名的玻璃製造地, 風魔香港既pandora都係用莫拉諾玻璃。Murano這個字本身已經係一個 質素保證。一場來到, 我地都買左玻璃製品。

之後就搭12號船去布拉諾島, 大約30分鐘船程。

沿途會經過一d小島

遠望布拉諾島

上到布拉諾島, 眼前一亮。小屋全部是不同的鮮豔顏色, 非常漂亮, 河道穿插其中, 每間屋邊都有快艇做交通工具。

好特別既一個小島, 非常值得一遊

沿途的屋好似威尼斯本島一樣亦都係有河道, 但係就窄好多, 都有好多橋將陸地連接。

中央廣場有好多鋪頭賣各式各樣喱士製品

海鮮食都係布拉諾島出名的地方。我地係河道邊的一間餐廳食飯, 一邊欣賞彩色小屋的景色, 一邊品嚐美味的海鮮。

意大利飯糰都幾得意

炸海鮮就普通d

青口非常新鮮

大約中午2-3點我地就去返威尼斯本島購物, 買手信, 16:35就搭車去佛羅倫斯。

我地有歐洲火車證, 但也要先訂車票。

上一頁

下一頁

瑞士意大利湖光名城自由行行程概覽

我的Facebook專頁: https://www.facebook.com/SeaLandSkyWorldTravel