瑞士意大利湖光名城自由行第八天: 米蘭, Castello Sforzesco 斯福爾扎城堡

由琉森去米蘭, 到埗時已經差唔多6點。我地酒店就係中央火車站附近約五至十分鐘路程。我地係中央火車站入面既電訊商買左上網電話卡, 再訂定去威尼斯既車票之後就去酒店。

今晚住Best Western, 位置好, 房間亦新淨。

今晚就係酒店樓下既快餐食晚飯。

都有意外驚喜! 義大利人真係浪漫, pizza都要係心形, 仲要好好味。

第二日我地就係米蘭市觀光第一站係斯福爾托城堡。

城堡係米蘭佔地最廣的建築。廣場好大, 除左城牆外, 有中庭, 有護城河, 城堡, 堡壘。

廣場

中庭

城門外有好多黑人想送手繩比人, 要避開佢地, 唔知佢地有乜野企圖。

之後我地去左收藏名畫"最後的晚餐"既感恩聖母教堂。名畫係係教堂一個餐廳入面。每日限人數參觀。如果想睇要一早係到國外訂定票, 票好搶手。

之後我地就搭地鐵去Duomo站, 米蘭大教堂的位置。首先係係米芝蓮餐廳hyatt hotel 既Vun食午餐。

菜式賣相精緻, 味道清新。

美味甜品係用西瓜製成。西瓜加雪糕, 係炎炎夏日, 消暑一流。

呢味甜品就係咖啡味, 都好好味。

食完午餐, 最後緊係唔少得Petit Four。

享受左呢一餐美味的午餐, 儲夠力之後, 我地就去左附近嘅米蘭大教堂, 二世迴廊觀光。

上一頁

下一頁

瑞士意大利湖光名城自由行行程概覽

我的Facebook專頁: https://www.facebook.com/SeaLandSkyWorldTravel