瑞士意大利湖光名城自由行第十二天: 佛羅倫斯

佛羅倫斯系文藝復興的發源地, 充滿藝術氣息。我地由威尼斯去佛羅倫斯大約要兩個鐘。去到的時候已經係黃昏時段。

我地就住係距離中央火車站五分鐘路程既酒店Machiavelli Palace。安頓好後, 我地就去中央火車站對面的巴士站搭巴士去米高基羅廣場, 睇佛羅倫斯日落。

米高朗基羅廣場係山上面, 有米高朗基羅名作大衛像複制品。

廣場望下可以欣賞佛羅倫斯全景, 包括老橋, 聖母百花大教堂, 老王宮。

開始日落, 晚霞映照佛羅倫斯市, 非常漂亮。

屋燈光徐徐亮起, 隨著燈光亮起, 亦系影夜景的時候了。

天未黑齊, 呈淡藍色。

廣場觀賞日落遊客都好多, 要物色一個好位置觀賞日落。

睇完日落我地就搭返巴士去酒店。係酒店樓下食晚餐, 有意外收穫! 佛羅倫斯出名食牛扒。我地見到好多間鋪頭門前都有好大舊未切的牛肉, 初時都冇為意, 坐低見到餐牌有兩人分量的佛羅倫斯牛扒就叫叫試下。

牛扒有足足有三隻手板咁大!食落亦都非常有牛味, 好好味。鐵板的烹調方法令牛扒非常可口。

第二日去完The Mall我地就係酒店放低戰利品。之後就行去聖母百花大教堂, 途中會經過佛羅倫斯皮革市場 Piazza San Lorenzo。佛羅倫斯係賣皮革有名地, 價錢相宜質素高。

聖母百花大教堂 Duomo 係佛羅倫斯既標致性景點。教堂外牆獨特, 同平常全白或者全黃石教堂外牆不同, 係有三種顏色: 白色綠色銅紅色, 非常漂亮。有鐘樓, 圓頂同主教堂。

教堂內部裝修相比外牆就冇咁多裝飾。教堂天花板的濕壁畫亦係非常有名。要畫壁畫上天花頂係要長期吊高個人訓係度向上畫, 真係好考體力。

教堂外既銅門亦都佈滿裝飾雕刻

意大利出名雪糕 gelato。隨處可以見到雪糕鋪。有好多唔同的口味, 梗係要試一試。

沿住教堂外主街行, 向烏菲茲博物館方向一路行就會經過維奇歐宮Palazzo Vecchio, 可以入內參觀。廣場門口亦有大型雕像, 栩栩如生。

世界聞名既烏菲茲美術館 (週一閉館)。美術館收藏豐富, 名畫如維納斯的誕生, 春就係係呢個美術館入面。

美術館唔係好大, 比起羅浮宮, 梵蒂岡小。遊客眾多, 所以要排好耐隊。我地一早係網上買定飛 (要指明一個時間, 不能遲到), 就唔洗排隊。Ponte Vecchio 維奇歐橋

有名的老橋都有好多鋪頭係橋上面, 主要賣手信。

老橋夜景都好漂亮

今晚我地預訂左係米芝蓮餐廳Ora d'Aria食晚飯。少少難揾, 要一早係地圖上睇清楚位置。

餐廳裝修簡約

包同埋醬都好味

烤乳豬好好味, 皮脆肉嫩, 同味道清新既生果, 好夾。

兩味粉係用豆做主菜, 口味唔係太。岩

食物賣相精美

甜品餐牌好得意。甜品好特別, 用一隻非常大的杯裝住。朱古力脆脆加雪糕, 好味。

整體來說, 餐廳環境食物都好。羅馬果一餐就更好。

我地住三星酒店 Machiavelli Palace, 就係火車站不遠處。酒店雖然古老但都好乾淨, 裝飾古老得黎都好漂亮。房外有露台可以眺望佛羅倫斯景緻。

餐廳早餐選擇好豐富

上一頁

下一頁

瑞士意大利湖光名城自由行行程概覽

我的Facebook專頁: https://www.facebook.com/SeaLandSkyWorldTravel