名古屋高山白川鄉櫻花飄雪自由行第5天: 岡崎城櫻花, 大須觀音, 風來坊手羽先

下一站係岡崎城, 都係櫻花100選。搭名鐵線去到東岡崎或岡崎公元前站

我地係東岡崎站落車, 沿著河一路行。河邊兩旁已經有好多櫻花, 可惜淨係開左三四成, 滿開一定好壯觀漂亮。

而家都好靚, 人唔多, 可以係櫻花樹下漫步, 又有河陪襯。

櫻樹下散步好靚, 亦有好多人係度野餐賞櫻花。

岡崎城好熱鬧, 比起鶴舞公園, 呢度多好多熟食攤檔, 又有好多小遊戲攤檔, 好似睇日本漫畫咁樣。沿河邊向岡崎城行, 慢慢就會開始見到攤檔。

近岡崎城d, 遊人多d, 氣氛好好。

岡崎城都有夜櫻
                                               

慢慢行就到岡崎城, 大約20分鐘路程

岡崎城都有神社龍城神社, 有人係到敲鐘祈福
                     

夜晚去返名古屋市, 去左大須觀音

呢間廟係唯一一個比較夜都唔關門既景點。

白幡上寫上捐獻人名, 有香港人。    

          

隔離就係大須商店街, 好似大阪齋橋, 有好多鋪頭, 但比較早關。我地得好少時間行街。去完100yen店, 化妝品店, 已經冇時間。
                                             

呢間好多人排隊嘅紅豆餅都幾好食

之後返JR站, 有風來坊係Esca地下街。我地又係係佢臨關門一個鐘之內入去食。

手羽先即係雞翼, 係名古屋名物, 都幾好食

呢個芥末八爪魚係有意外驚喜, 好好味。

行程咁就到尾聲, 5日之內睇到櫻花, 又睇到有雪既高山, 白川鄉, 真係非常滿意!

上一頁

下一頁

名古屋高山白川鄉櫻花飄雪自由行行程概覽

名古屋高山白川鄉: 手信, 名物

名古屋人氣食品

高山人氣食品

我的Facebook專頁: https://www.facebook.com/SeaLandSkyWorldTravel