海陸空遊世界: 佛羅倫斯 The Mall, Prada Miu Miu Outlet 血拼攻略

2015年6月26日星期五

佛羅倫斯附近有兩個主要既outlet。一個係The Mall, 有各個大牌子例如Gucci, Dior, BV, Ferragamo 等。另一個係Prada MiuMiu outlet, 只係賣呢兩個牌子嘅貨品。

因為The Mall多d唔同鋪頭所以我地揀左去 the Mall。巴士站 (紅格)係中央火車站 (黃格)隔離, 大約45分鐘車程。

巴士站入口

係十號站等車

要搭第一班車, 因為貨品越早越多得揀。車未到已經有好多人係到排隊。

越嚟越多人, 再遲d就會上唔到第一班車。

巴士終於黎啦。

第一站就係prada。袋既選擇唔係太多, 因為d款都唔係太好。銀包散纸包比香港平好多, 都有幾多顏色同款選擇。

我地係The Mall 買左鞋, 袋, 銀包, 散紙包等等, 收穫豐富。我地行到兩點就返佛羅倫斯觀光。

去羅馬之前我地去咗Prada Miu Miu outlet。都係要係佢開門之前排隊等入。搭火車去Montevarchi (45分鐘車程), 之後要轉的士。係火車上已經有香港人揾我地一齊搭的士。一落車就要行快d搶的士。因為火車站門口只有幾架的士, 如果上唔到就會遲好多去到outlet, 排隊尾。

我地去到時已經有六七十人係門口。開門時佢係先放頭幾十人入去, 之後先至再放幾十人入去。靚嘅袋係得好少, 同不會返貨。我地入到去的時候好多袋已經俾人攞哂上手。

結果我地都能夠買到心頭好。秘訣係

(一). 望d平時人地唔會望到的位置。其中一個我地買左既袋就係擺係最低層, 地下一層, 應該好多人睇漏左。睇晒全場係得幾個同一款既袋。

(二) 跟住一d你覺得唔會買哂手上既袋既人後面, 唔好咁明顯, 佢地一放低就攞。

係香港價2至3 折。如果發覺貨有瑕疵仲可以即時減價。

我地係The Mall, Prada Miu Miu Outlet既戰利品

瑞士手信

威尼斯手信