瑞士意大利湖光名城自由行第七天: William Tell Express 威廉泰爾快線

我地一朝早就去左Hotel Monopol食早餐。住三星酒店可以食四星早餐, 真係好。

今日會由瑞士去意大利米蘭, 搭威廉泰爾快線再轉火車。

我地有歐洲火車證, 可以以優惠價 (46 Euro)搭威廉泰爾快線。我地之前一落飛機係蘇黎世已經去左瑞士火車辨事處預訂船車票, 大約歐羅, 包船上的午餐, 仲會送一把小小的瑞士軍刀。由琉森坐船去到Bellinzona (2小時), 再轉火車去Lugano (2小時), 再搭火車就可以去到意大利米蘭。

搭船既地方就係火車站外面。係搭古老蒸汽船, 船上可以參觀佢既煱輪。     送既小小瑞士軍刀去旅行都好岩用。

平時由一個景點去另外一個景點車程都好悶, 都係瞓覺養神。但呢程旅程就唔同, 風景優美。由琉森湖出發沿途兩岸美麗的民居。

好多人坐係甲板上欣賞兩旁的景色。

 古老建築襯托藍天白雲, 湖光山色, 風景優美

 船沿途都會停不同站接駁兩岸小村

船上餐廳裝修好靚, 睇相就知

船亦餐飲券形式包午餐。如果想加或提升食物就可以額外加錢。我地就加錢叫意粉同意大利飯。

係餐廳入面都可以欣賞兩岸的景色

再行遠一點民居開始少。好似峽灣既景色。

去到Fluelen 就係船的終點站。之後佢就會返琉森。

當然要同呢叟古老的蒸氣船影番幅相。

我地落船去左對面的火車站,繼續我地去Lugano行程。火車的設計非常適合遊客, 天花板兩邊都有大既玻璃窗, 方便欣賞景色。

沿途景色就沒有冰河快線, 黃金快線那麼漂亮

去到Lugano我地就在搭火車去米蘭 (1小時)。

上一頁

下一頁

瑞士意大利湖光名城自由行行程概覽

我的Facebook專頁: https://www.facebook.com/SeaLandSkyWorldTravel