紐西蘭自駕遊～星河湖鏡之旅第3天: 皇后鎮

今日我地係 bookme.co.nz book 咗Thunder Jet。個website有好多新西蘭全國活動既特價， 但係通常係冇咁受歡迎既時段。

酒店房好靚

朝早有時間，我地就係酒店外影相，沿湖邊行出去碼頭準備上船。我地好好彩，尋晚落咗雪，原本黑禿禿嘅山頭變左雪山， 風景當堂靚左好多。

一行出酒店就係湖Lake Wakatipu

原本灰黑山頭ㄧ夜之間變咗好靚嘅雪山!

我地會玩嘅Thunder Jet

Thunder Jet 碼頭就係蒸氣船酒店之間

好凍，又有微雨，好彩公司會提供雨衣。要搵d野咁住塊面，因為船開得好快好大風，如果冇野遮面會好凍。

Thunder Jet 同蒸氣船係行反方向，可以睇到湖另一邊的景色同Kawarau Bridge，沿途會見到另一邊民居，都好靚。同埋360度轉圈好剌激。

                            

玩緊時既影片

玩完就行去市中心食好出名既Fergburger, 無論乜野時候都要大排長龍。材料好新鮮，麵包比平時漢堡包硬身，有少少似法包但又冇咁硬。Fergburger係皇后鎮係比較平的選擇, 其他餐廳都好貴。

好多人等緊，佢係即叫即整。

Fergburger得好少位坐，我地攞左個包去Queenstown Garden望住Lake Wakatipu食,好寫意。

之後我地駛咗上皇后鎮山上的小路， 由高處望落Lake Wakatipu,有另一番風光。

  

係Frankton度見到彩虹!

今日我地book 咗去 Skyline Gondola。午餐比較抵食，只係纜車費多少少。但係夜晚時間就好用d。17:45係最受歡迎既時段，要一早預訂，如果唔係就要去到8點先至有得食自助餐，中間天黑晒冇乜特別野好做。上面有d商店但得一兩間好快行完。上邊有得玩星加坡聖淘沙都有嘅小型滑板車luge ride, 但可惜影完相已經關左。

䌫車站外有雀鳥館，可以見到紐西蘭獨有既奇異鳥，但係唔夠時間所以冇去。

䌫車好快到

Luge ride, 搭吊車上頂, 再坐小型滑板車落黎。

全玻璃鏡餐廳俯瞰皇后鎮好有氣勢

皇后鎮夜景

餐廳好大, 有好多旅行團, 自助餐食物都ok啦 
上一頁

下一頁

紐西蘭星河湖鏡之旅 . 南北島自駕遊行程概覽 Itinerary

紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊

我的Facebook專頁: https://www.facebook.com/SeaLandSkyWorldTravel