掙扎一輪決定博一博放棄Kiruna 行程同酒店係Abisko留多一天。即刻book定 4am 的士由Abisko直接往Kiruna機場 (我地聽日0655 機去斯德哥爾摩)。
懷住忐忑不安的心情係lobby (好彩有好多common area, 有沙發, 唔多人, 留成日都唔覺眼。有luggage store room。)整個下午都多雲仲有雪........
無所事事成日, 終於夜晚了, 天果然清了一點, 我地天黑無耐就去湖食風, 行落去時有樹擋住, 有北極光都唔會有好角度, 闊視野, 所以要落定去等。
開定相機連續拍攝因相片能早一步顯示肉眼睇唔到既極光, 拍攝技巧請看:
如何拍攝北極光
看北極光慢慢出現......
看北極光慢慢出現......
由相機微微慢慢舞動到清晰既綠光躍動, 終於明白點解叫dancing aurora。嘆為觀止。我當晚係Abisko見到的北極光 timelapse video (和行程其他亮點):
眼睇著雲飄過黎直到把極光完全遮蓋。Today's show is over...
Mission completed!! Yeah!!
仲有果晚既星流跡...
我地係湖遇到兩個香港人, 佢地好好彩第一晚已睇到, 佢地住share bathroom果邊, 話我地知無鎖, 有得沖涼煮食,仲有幾個鐘我地就拎埋行李過果邊hea。
沒有留言 :
張貼留言