紐西蘭自駕遊～星河湖鏡之旅第15天: Auckland 奧克蘭

夜晚去到奧克蘭, 我地就去左Sky City。Sky City 有Sky Tower, 賭場, 係個大商場。Sky Tower係紐西蘭最高既建築, 可以上去塔頂。我地係Sky City入面既Fortuna食自助餐。

終於到行程最後一日, 我地今日係奧克蘭市遊覽。首先去左Mount Eden。一個以前的火山口, 而家就係個死火山。火山口都已經長滿綠草。

係Mount Eden可以望番奧克蘭市包括Sky Tower, 有好多本地人係到做運動。

火山口係一個大凹洞

之後就去左市中心city's waterfront, Viaduct Harbour, 港口附近好似香港維多利亞港咁樣, 有好多帆船遊艇。Queens street就有好多舖頭, 手信鋪。紐西蘭都唔多手信買, 主要係蜜糖, 有Manuka 果隻就有保健功效。周圍都有得買既曲奇Cookies Time, 有大, 中, 小, 大既真係大得好誇張, 小既無咁好味, 比較硬。

我地就去左Devonport。係平時當地人週末都會去既地方。氣氛悠閒。好似香港長洲, 南丫島咁樣。建築物多d, 靚d。

當地教堂

望返過去奧克蘭城市景緻一流

大蘑菇,可以成個人站上去影相。

處處都柱有羊毛裝飾, 好得意。

最後去左Mission Bay海灘

我地今晚機返香港, 終於結束呢個風景咁優美既紐西蘭之旅。

上一頁

下一頁 (Glenorchy)

紐西蘭星河湖鏡之旅 . 南北島自駕遊行程概覽 Itinerary

紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊
我的Facebook專頁: https://www.facebook.com/SeaLandSkyWorldTravel

紐西蘭自駕遊～星河湖鏡之旅第14天: Hobbiton 哈比人故鄉

今日去行程另一個重要景點Hobbiton, 哈比人故鄉!Hobbiton位於距離羅托魯亞1小時車程既Matamata。再繼續行下去就係奧克蘭。今日落雨落得好犀利, 我地行程唔太緊密, 所以就去左Matamata鎮行個圈食午餐, 等到d雨停左d先至再去Hobbiton

Matamata旅遊中心都係模仿哈比人既屋

又有彩虹啦!

去到Hobbiton買左飛之後就要坐佢地既旅遊巴入去Hobbiton。因為個個係私人財產。

原本係第一集魔戒的時候係臨時建築, 地主係要求劇組係完成電影之後將地方回復原貌。但係係未拆的時候, 好多人睇完魔戒已經要求參觀Hobbiton, 所以到左The Hobbit又想係返呢到取景的時候, 地主就要求劇組建成永久建築物, 就開發成一個旅遊點。


同電影入面中土世界哈比人故鄉Hobbiton一模一樣

主角Frodo間屋上面棵樹係假既, 係一塊一塊貼上去再油顏色

門的高度唔一樣, 咁樣先至可以營造哈比人特別矮, 其他主角高既效果

其實係Hobbiton附近嘅地都係咁樣高高低低既山丘, 同魔戒中土世界都好似。

道具蔬果值物全部都保留係到

道具衫, 農具, 植物

個團比較趕 (兩小時), 唔可以慢慢影相。去到尾既時候, 我地就會去哈比人係電影入面舉行派對既餐廳飲番杯野。

餐廳

餐廳入面亦都好靚, 傢俬直都保留係好似電影入面一樣。

之後我地就揸車去奧克蘭, 約1個鐘車程。成個紐西蘭d路大部分都係對頭車, 淨係得奧克蘭同威靈頓唔係對頭車。

去到奧克蘭感覺係終於又有咁多人啦。

上一頁

下一頁

紐西蘭星河湖鏡之旅 . 南北島自駕遊行程概覽 Itinerary

紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊

我的Facebook專頁: https://www.facebook.com/SeaLandSkyWorldTravel

紐西蘭自駕遊～星河湖鏡之旅第13天: Rotorua羅托魯亞

羅托魯亞最出名就係地熱地貌同毛里族文化村。地熱有d要入場費, 有d免費。毛里族村都有免費既, 但唔會有表演。
羅托魯亞好多地方的地下都冒煙,好有特色。係市中心附近既免費公園有熱泥漿池, Kuirau Park

當然要小心d千祈唔好跌落去, 真係熱到發滾。

泥漿不停地會都會滾水咁樣發滾, 以下係影片:

羅托魯亞嘅旅遊中心外形好靚

我地選擇左兩個地熱公園: Wai-o-tapu同Waimangu

Wai-o-tapu係比較出名的地熱公園, 有好多唔同顏色既池, 池都比較集中。參觀大約用兩個鐘。每日有噴水表演, 係人造, 會放d物質落Geyser入面令Geyser噴發。每次都會有好多人等睇, 都好得意會噴到好高。

                         

有好多唔同顏色既熱池, 礦物質會造成水既唔同顏色

黃色的池

有橙色池

有綠色的池

有綠色的池

14:00 我地就去Waimangu。Waimangu係比較新既地熱公園冇Wai-o-tapu咁多唔同既色彩, 範圍亦都比較大, 冇咁集中

呢個湖最有名, 係1886年先形成

以下影片可以見到煙係貼住湖面飄, 真係好熱, 有名去叫, 佢係叫"Frying Pan Lake"煎pan湖。

小噴發

最藍既湖

另一個好似煎pan湖既湖

行到最後可以搭船遊湖, 好似唔多野睇, 我地15:50 就搭番公園既免費穿梭巴士番入口。

之後我地就去左一個人宜家都仲有人住既毛里族村, 係mataiawhea korokai street, Kuirau Park附近。周圍地下都冒煙,村民會用d熱力煮食, 唔駛用電, 好環保。

影片可以睇到周圍地下都冒煙, 仲有滾水!

                       

毛里族木雕

毛里族建築

毛里族教堂, St. Faith's Anglican Church

毛里族文化村有好多個, 都好遊客化, 好似主題公園。

我地參加左Tamaki Maori Village, 旅遊巴17:30係旅館接我地去Tamaki Maori Village。旅遊巴上面司機已經會講唔同國家既語言, 唱晒歌歡迎我地。

去到的時候首先會參觀唔同毛里族文化的攤檔, 有跳舞表演, 都會叫參觀者一齊玩d小遊戲。

跟住會坐入戲棚欣賞紐西蘭傳統既Haka Dance。係七人欖球賽紐西蘭贏左都係跳呢隻舞。會瞪眼伸俐既嚇人表情, 因為以前係用黎嚇敵人既。
晚餐就係毛里族的特色食物Hangi, 用地下熱力煮熟既肉同埋蔬菜, 有一種特別的味道。
食物出土啦!

上一頁

下一頁

紐西蘭星河湖鏡之旅 . 南北島自駕遊行程概覽 Itinerary

紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊

我的Facebook專頁: https://www.facebook.com/SeaLandSkyWorldTravel