Hermitage Hotel 早餐既餐廳有落地大玻璃對住雪山，環境優美，賞心悅目。如果要食熱盤就要另外加錢
餐廳外的停車場有紐西蘭獨有雀鳥Kea,一d都唔怕人
十點鐘，我地就開始尋日book左既Glacier Explorer去參觀冰川Tasman Glacier。紐西蘭有三大冰川Franz Joseph, Fox同Tasman Glacier。Tasman係唯一一個坐船睇既冰川，交通亦都方便d。另外兩個要揸好耐車先去到。旅遊巴由酒店門口載我地去離酒店大約十五分鐘車程嘅谷地。
然後我地就行大約30分鐘去到冰川湖旁邊，着好救生衣就上左黃色的艇仔，搭船去睇Tasman Glacier。
冰川湖上面有好多跌左出嚟嘅冰，係湖上面飄浮，陽光照射下閃閃生光，係其他地方都冇見過。船會慢慢行近等我地睇清楚d冰。導遊會介紹冰川由來，仲會俾我地摸下啲冰。
呢個就係冰川Tasman Glacier,去上面鋪左好多石仔灰塵，同想像中白雪雪的冰川有好大分別。淨係個前面係藍色，而且還係遠遠觀看，因為驚冰川有隨時倒塌危險。
冰川湖唔係好大，如果唔係慢慢駛睇d冰塊，好快就已經遊完。
玩完冰川我地就揸咗1小時車去Lake Tekapo騎馬。原本諗住係Mount Cook騎。但原來幾日前已經踏入淡季停咗，所以我地就去返Lake Tekapo度騎。
由Mount Cook去 Lake Tekapo會經過Lake Pukiki,有另一間本地三文魚場係Lake Pukiki 遊客中心賣三文魚，但係就冇三文魚場同魚睇。
Lake Pukiki
馬場
Mackenzie Alpine Horses 2小時騎馬，會經過Mount John, 圍着Mount John 一圈去到Lake Tekapo湖邊，沿住湖邊行番去馬場。d路平時車去唔到,風景優美,馬好乖，訓練有素，會自己行，除左成日想食草之外，基本上控制完全冇問題。馬會自己一隻跟一隻慢慢行，無騎馬既經驗都冇問題，好好玩。
沿途風景
以下係騎馬既片段：
紐西蘭星河湖鏡之旅 . 南北島自駕遊行程概覽 Itinerary
紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊
我的Facebook專頁: https://www.facebook.com/SeaLandSkyWorldTravel
沒有留言 :
張貼留言