海陸空遊世界: 紐西蘭自駕遊～星河湖鏡之旅第8天: Christchurch 基督城, Kaikoura

2015年5月21日星期四

係基督城去完market, 我地就啟程去Kaikoura, 約3個鐘車程。

Kaikoura係一個海邊城市, 主要係睇海獅, 海豚, 鯨魚。個鎮好細, 市中心得一條街。我地去遊客中心book定聽日既獨木舟團睇海獅,海豚。其實最想同野生海豚游水, 但天氣較冷, 放棄了。Kaikoura另一熱門活動係搭船睇野生海豚或鯨魚, 我係澳洲過今次就唔去了。

由市中心揸車去Seal Colony, 會經過一個BBQ海鮮攤檔係路邊, d周打魚湯好好飲, 仲有其他海鮮例如青口,都好好味。

Fritter, 似炒蛋

Seal Colony有好多海獅,係野生既。冇以前去澳洲袋鼠島咁多, 但係都有好多, 同埋可以近d距離接觸, 但都唔可以行得太近, 因為驚海獅會襲擊人。海獅係沙灘曬太陽休息, 平時海獅都唔動, 呢度d都有動下。

可以好近距離咁樣睇到海獅

Seal Colony隔離可以行上Peninsular Walkway, 望住海灣, 圍住海岸行, 我地行左四十五分鐘就原路返返轉頭。

黃昏景色都好靚

晚餐係Tutis Restaurant食, 係tripadvisor排第二, 好好味。紐西蘭既青口好鮮味, 軟熟。青口既口味係泰式, 同紐西蘭平時食開嘅白酒忌廉唔同, 都好好味。羊亦都係一d都無蘇, 好好味。

網頁