皇后鎮有好多極限活動，笨豬跳太過刺激，我地選擇左hanggliding,貪佢係香港都冇得玩。我地跟Sky Trek。
同其他活動一樣都要簽生死狀，但佢張生死狀高科技好多，係用平板簽架。
之後公司就將我地由皇后鎮車去Coroner peak，約15分鐘路程。我地就係山上面等，要有多d風先可以跳落去起飛。好期待呀!
起飛啦，教練會控制速度，下墮速度緩慢，一d都唔驚，天氣好好, 係天空度周圍望心曠神怡。
會有一個攝錄鏡頭一路影住我地。我地都買左，以下係其中濃縮的片段:
離開皇后鎮約十五分鐘經過一個唔出名但係好靚嘅湖，即刻停低影相。原來個湖叫Lake Hayes。紐西蘭咁多個湖呢個最靚，有雪山，有倒影，有黃葉樹，湖水清澈，非常靚。應該要朝早至中午先會見到倒影。試過黃昏經過，差好遠。
沿住湖一路向前行就會見到呢一個境
湖水好平靜，倒影清晰，真係好靚
由Queenstown 去Lake Wanaka有兩條路,一條係山路，經Condrona Range, 另一條係平坦d既高速公路,會途經水果鎮Cromwell。
經水果鎮Cromwell
山路比較多上斜落斜，除咗有ㄧ個高點望番轉頭外，風景都唔算特出。
Queenstown 去Cromwell 約50分鐘。Cromwell 有好多水果樹，有d仲可以買
Cromwell嘅地標
Lake Wanaka 係附近，江湖好大，冇lake Hayes咁集中。湖對面有好多舖頭食肆，仲有大型超級市場，算係比較大嘅鎮。
由Lake Wanaka去Lake Tekapo需要3個鐘，我地都要把握時間趕路。差唔多去到Lake Tekapo會經過三文魚場High Country Salmon。
去到已經係黃昏時段，可以買三文魚，有刺身,但切得唔係好靚。有一條一條原隻三文魚,但要自己起皮去骨,如果新鮮都可以當刺生身吃，要問個店員得唔得。仲有d切好包好左一舊舊嘅煙三文魚, 都好好味。原條三文魚最抵，雖然麻煩，但係我地今晚有廚房，所以就買左一條返去煮。好新鮮。
紐西蘭星河湖鏡之旅 . 南北島自駕遊行程概覽 Itinerary
紐西蘭南北島自駕遊交通活動實用資訊, 有用網站
紐西蘭南北島自駕遊~租車, 駕駛需知, 實用安全資訊
我的Facebook專頁: https://www.facebook.com/SeaLandSkyWorldTravel
沒有留言 :
張貼留言