名古屋高山白川鄉櫻花飄雪自由行第3天: 高山朝巿, 高山城下町, 江户前松喜壽司

今朝去高山朝市同高山城下町, 中午就去白川鄉, 尋日已經係巴士站用昇龍道高速巴士車票訂好來回車票。

紫格: 酒店, 橙格: 高山宮川朝市

黃格: 高山城下町 (上三之町), 綠格: 高山陣屋

由酒店行去高山朝市約十分鐘。 

高山朝市係日本三大朝市之一, 有疏果,各類食品, 手信賣。



我地一路行一路食, 食到好飽。飛弹牛餅, 即叫即整, 熱辣辣, 好好味。

                                                         

飛弹牛飽



行完高山朝市再行前少少就到高山城下町, 上三之町。高山又叫小京都, 就係因為呢d古老建築。

                                                   

                                                     

   

保存咗古老既日式建築。好完整, 街就唔係好長。巿內其他地方都有類似建築, 呢條街就集中d。

   

有條水道係門前流過好特别。

宜家主要做旅遊, 有手信店, 食店等。

有飛弹牛壽司賣, 分唔同級數, 有塊蝦餅係底, 都幾好味。雖然都係丸明好味d。

呢間茶乃芽cafe賣綠茶雪糕,咖啡等, 都好味。

行到街尾轉左入下條街有間食飛彈牛朴葉味噌燒, 壽樂久飛彈牛朴葉味噌燒, 係上二之町 (約黃星位置)。。雖然已經係街邊食到好飽, 但都覺得d牛好好味。味噌濃郁, 香口, 牛好好味。吉列牛都好味, 我就鍾意味噌燒多d。個炭爐都好得意。

 食完就行過條橋去高山陣屋, 沿路見到遊客坐人力車。

陣屋即係古時嘅衙門, 我地係係門囗影咗相就行去巴士站。

行去巴士站途中咁啱經過郵站, 我地就買咗係岐阜先買嘅合掌屋明信片!

巴士站附近有好多手信舖, 我地行咗陣夠鐘就坐巴士去白川鄉。
今晚去咗食江户前松喜壽司。佢生意勁好, 尋晚去過冇位要訂今晚。

係國分寺附近

地址: 1 Chome-40 Sowamachi

 

由於餐牌全部都係日文既關係, 唔識叫。我地跟旅遊書叫左一個套餐,有湯,有八件壽司,有飛彈牛,有甜品。

拖羅好好味,我地研究個價錢都好抵,比香港平好多,所以就再叫左拖羅同帶子食。飛彈牛就冇丸明同朴葉燒d牛咁好味。

高山物價比名古屋低, d牛真係好抵食, 價廉物美。
今晚就去左日式溫泉, 開到零晨一點, 溫泉設施都好好。



上一頁

下一頁

名古屋高山白川鄉櫻花飄雪自由行行程概覽

名古屋高山白川鄉: 手信, 名物

名古屋人氣食品

高山人氣食品

我的Facebook專頁: https://www.facebook.com/SeaLandSkyWorldTravel

名古屋高山白川鄉櫻花飄雪自由行第2天: 高山飛弹之里, 丸明

係名鐵新上豪酒店對面就係巴士站, 巴士站係邊jr站西口出面。

沿途幾驚喜, 係車度望出去, 原來仲有雪㗎!

 我地住係飛弹廣場酒店hida hotel plaza, 距離巴士站約五分鐘路程。唔係最近嘅酒店, 勝在係屋頂有露天溫泉可以望到高山市景, 地下亦有個日式温泉。佢係高山少有既温泉四星酒店。以溫泉酒店嚟講算係近巴士站。

藍色巴士站

紅色酒店

藍色巴士站, 紅色飛弹之里, 綠色高山陣屋, 粉紅色高山城下町

飛弹廣場酒店 Hida Hotel Plaza

 酒店大堂有高山祭嘅山車

飛弹寶寶

酒店入面有迷李高山祭山車

 酒店入面已經有手信食品鋪頭, 價錢同出面差唔多, 買夠錢又可以退稅(唔可以開封),都開到幾夜,買完可以即刻拎上房, 好方便。

服務好好,職員會由大堂親身帶住客上客房, 再介紹房間設備,酒店設施,温泉使用等, 有當地特產柿餅, 梅零食做歡迎食品。房好大

傢私特别(好似俾咗間特别房我地) 

望到高山市景

今日我地去飛弹之里, 佢係一個文化村, d合掌屋係第二度搬去以作完整保留。

係巴士站搭Sarubobo巴士, 巴士Pass唔包, 約5到10分鐘車程, 要留意尾班車。 

 仲有雪,又落雪, 好似童話世界。呢個景有湖,仲靚過白川鄉, 當然,呢度較人工化,亦都細d。

仲有冰係屋頂。
        

一入去就係呢個靚景。 

 可以參觀屋入面。

                     

  

飛弹之里有文化表演, 例如木雕, 但要就時間, 我地去時已經就嚟關門, 過晒時間。

搭尾班車番高山巴士站。

之後行去飛弹國分寺, 建於855年, 歷史悠久。

唔係好大, 好快睇完。

                                                                                         好多飛弹寶寶    

                                                               

今晚有得食好出名嘅飛弹牛, 我地去丸明食 (紅格)。真係超級好味! 好平, 咁高質素好抵。全個旅程最好味呢餐! 香港呢個價錢只有普通質素牛食。

食完想去旅遊書間高山拉麵食, 但揾唔到, 經過一間好小型嘅麵鋪, 試咗中華高山拉麵, 係清湯, 我就鍾意豬骨湯底多d。

我地住溫泉酒店今晚緊係浸溫泉。我地去左頂樓既溫泉有大池有俾一至二個人既露天小池可以望到高山市夜景非常好。想睇相可以去酒店網頁。

上一頁

下一頁

名古屋高山白川鄉櫻花飄雪自由行行程概覽

名古屋高山白川鄉: 手信, 名物

名古屋人氣食品

高山人氣食品

我的Facebook專頁: https://www.facebook.com/SeaLandSkyWorldTravel